Главная » Доска объявлений » Նորություններ համալսարանից |
В категории объявлений: 7 Показано объявлений: 1-7 |
Сортировать по: Ամսաթվով · Անվանումով · Ռեյտինգով · Հավելումներ · Դիտումների թվով
ՀԱՄԱԼՍԱՐԱՆԸ ՁԳՏՈՒՄ Է ԴԱՌՆԱԼ
հաստատություն, որի մուտքը և կրթական ռեսուրսները մատչելի են սովորողների ամենատարբեր սոցիալական և տարիքային խմբերին, տեղացիներին և արտասահմանցիներին,
հաստատություն, որը հարմարունակ է միջավայրի փոփոխություններին, արագ և համարժեք է արձագանքում հասարակության և տնտեսության փոփոխվող կարիքներին, աշխատուժի շուկայի պահանջարկին, հաստատություն, որն էական դերակատարություն ունի տնտեսական զարգացման և տեխնոլոգիական նորաստեղծային ազգային և տարածաշրջանային ծրագրերում, հաստատություն, որն ուսանողներին պատրաստում է լիարժեք կարիերայի, մասնագիտական առաջընթացի, նորաստեղծության և ղեկավար դերի համար, հաստատություն, որն ապահովում է առաջնակարգ կրթություն՝ տեսության և պրակտիկայի համակցման, ընդհանուր կրթության ամուր հիմքի ստեղծման և ուսումնական գործընթացում դասախոսների ու ուսանողների արդյունավետ համագործակցության միջոցով, հաստատություն, որտեղ ժամանակակից
ինֆորմացիոն տեխնոլոգիաները ինտեգրված են կրթական և հետազոտական
գործընթացներին` ապահովելով ուսուցման և հետազոտությունների բարձր
արդյունավետություն, հաստատություն, որը նախաձեռնող է
և ձեռներեց արտաքին միջավայրի հետ իր փոխհարաբերություններում, ունակ
ապահովելու ֆինանսական կայունություն և ամուր սոցիալական երաշխիքներ բոլոր
աշխատողների համար,
հաստատություն, որն առաջնորդվում է գլոբալ հեռանկարով` ուղենիշ ունենալով
իր գիտակրթական համակարգի միջազգայնացումն ու եվրոպական ինտեգրացումը:
|
Հայաստանի Հանրապետության տեխնոլոգիական կրթության անվիճարկելի առաջատար, ավելի քան յոթ տասնյակ տարիների փառահեղ պատմություն ունեցող Հայաստանի պետական ճարտարագիտական համալսարանը (պոլիտեխնիկ), 3 տարածաշրջանային մասնաճյուղերով, երկու տասնյակին հասնող ֆակուլտետներով և բազմաթիվ մասնագիտական ու ընդհանուր կրթական ամբիոններով հանդերձ, այսօր արժանի հեղինակություն է վայելում ոչ միայն մեր երկրում, այլ նրա սահմաններից դուրս և աչքի ընկնում իր բարձր վարկանիշով: Անցած տասնամյակների ժամանակահատվածում 100 հազարը վաղուց գերազանցած մեր շրջանավարտների ստվար բանակը իր արժանի ներդրումն է ունեցել մեր երկրի կյանքում, մշտապես պահպանելով իր առանձնակի տեղն ու դերակատարությունը: Ճարտարագիտական հմուտ կադրերի դարբնոց, Պոլիտեխնիկը, միշտ հավատարիմ է մնացել իր վսեմ ու պատասխանատու առաքելությանը` - հանրապետության տնտեսության կարիքներին և լայն հասարակության
պահանջմունքներին համահունչ իրականացրել կրթահետազոտական ծրագրեր և
մատուցել դրանց առնչվող բազմաբնույթ ծառայություններ, Վերը թվարկվածի իրականացման դժվարին ճանապարհին մեր հաստատությունը միշտ էլ հավատարիմ է մնացել Պոլիտեխնիկի այն արժեքներին ու լավագույն ավանդույթներին, որոնք տասնամյակների ընթացքում ձևավորվել են պրոֆեսորադասախոսական կազմի, աշխատակիցների ու ուսանողների տարբեր սերունդների կողմից: Պոլիտեխնիկցին միշտ էլ աչքի է ընկել ոչ միայն բարձր պրոֆեսիոնալիզմով, այլև հայրենասիրությամբ, լայն մտահորիզոնով, պատասխանատու որոշումներ ընդունելու յուրօրինակ ձիրքով և արագ կողմնորոշվելու ունակությամբ և այս առումով շատ բնական է ու տրամաբանական այն, որ պոլիտեխնիկցի պետական-քաղաքական գործիչների մի ստվար խումբ նվիրվածությամբ ու պատվով ծառայել ու շարունակում է ծառայել մեր ժողովրդին ու պետությանը: Վերջին 15 տարիները մեր համալսարանի կենսագրության կառուցվածքային ու լայնամասշտաբ ծրագրային փոփոխությունների, փնտրտուքի ու հիմնականում ձեռքբերումների տարիներ էին: Մենք հավակնոտ հիմնավորված քայլերով ձգտում ենք դառնալ իրավահավասար անդամն Եվրոպական բարձրագույն կրթատարածքի և ապահովել միջազգային չափանիշներին հարիր բարձրագույն տեխնոլոգիական կրթություն: Հայոց անկախ պետականության կերտման ներկա ոչ այնքան դյուրին փուլում մենք ունենք ծանրակշիռ ասելիք ու անելիք և ինչպես միշտ` մեզանից պահանջում և կշարունակեն պահանջել բծախնդրությամբ ու հավատով, քանզի մենք ունակ, կարող ու բռունցքված ուժ ենք: Այս լավատեսությունը թող երբեք չլքի մեզ և նեցուկ լինի բոլոր պոլիտեխնիկցիներին` աշխարհի որ ծայրերում նրանք գտնվելիս լինեն: |
Հայաստանի պետական ճարտարագիտական համալսարանն իրավաժառանգորդն է Երևանի պոլիտեխնիկական ինստիտուտի, որը հիմնադրվել է 1933թ.` ունենալով ընդամենը 2 ֆակուլտետ և 107 ուսանող: Ինստիտուտն աճել է Հայաստանի ինդուստրացման տեմպերին համընթաց և 1980-1985 թթ. հասել իր զարգացման գագաթնակետին՝ ունենալով շուրջ 25000 ուսանողներ և 66-ից ավելի մասնագիտություններ, դառնալով Հայաստանի խոշորագույն բարձրագույն ուսումնական հաստատությունը և Խորհրդային Միության առաջատար ինժեներական դպրոցներից մեկը: Երևանի պոլիտեխնիկական ինստիտուտը 1991թ. նոյեմբերի 29-ին վերակազմակերպվեց և վերանվանվեց «Հայաստանի պետական ճարտարագիտական համալսարան (ՀՊՃՀ)»: ՀՀ կառավարության որոշմամբ 2005թ. Համալսարանին վերադարձվեց նրա ավանդական «Պոլիտեխնիկ» անունը: ՀՊՃՀ կենտրոնական կրթահամալիրը գտնվում է Երևանում, իսկ մասնաճյուղային կրթահամալիրները՝ Գյումրիում, Վանաձորում և Կապանում: Կրթահամալիրների կազմում գործում են բաժանմունքներ, դեպարտամենտներ և ամբիոններ: ՀՊՃՀ կառավարման մարմիններն են Համալսարանի Խորհուրդը, Գիտական խորհուրդը, Ռեկտորատը, Ուսանողական խորհուրդը: Համալսարանն իրականացնում է միջին, բարձրագույն և հետբուհական
մասնագիտական կրթության 4 հիմնական կրթական ծրագրեր՝ կրտսեր ճարտարագետի,
բակալավրի, մագիստրոսի և հետազոտողի որակավորման աստիճանների շնորհումով:
Բացի նշված հիմնական ծրագրերից, Համալսարանն առաջարկում է նաև լրացուցիչ
կրթական ծրագրեր՝ շարունակական կրթության իր կառույցների միջոցով:
Համալսարանի մասնագիտացման տիրույթն ընդգրկում է ճարտարագիտության և
տեխնոլոգիաների բոլոր հիմնական ճյուղերը, որոնք ներկայացված են
ճարտարագիտական, ճարտարագիտատնտեսագիտական պրոֆիլի բակալավրական 36 և
մագիստրոսական 32 մասնագիտություններով: Հիմնական կրթական ծրագրերով Համալսարանում այսօր սովորում են ավելի քան 10 հազար ուսանողներ, մագիստրանտներ և ասպիրանտներ: ՀՊՃՀ հայերեն և անգլերեն լեզուներով ուսում են ստանում շուրջ 400 արտասահմանցի ուսանողներ: Համալսարանի 1000-ից ավելի հիմնական դասախոսական կազմի մեծամասնությունն ունի գիտական աստիճաններ: Համալսարանն իր զարգացած գիտահետազոտական համակարգով իրավամբ համարվում է տեխնիկական գիտությունների առաջատար կենտրոն: Համալսարանն առաջատար դերակատարություն ունի Հայաստանում ընթացող բարձրագույն կրթության բարեփոխումների գործընթացում: ՀՊՃՀ-ն առաջինն էր Հանրապետությունում, որ ներդրեց բարձրագույն կրթության երկաստիճան, ապա` եռաստիճան համակարգերը, իսկ այսօր հաջողությամբ փորձարկում է կրեդիտների կուտակման և փոխանցման Եվրոպական ECTS համակարգը` Բոլոնիայի գործընթացի զարգացումներին համահունչ: Վերջին տասնամյակում Համալսարանը ձևավորել է միջազգային համագործակցության լայն ցանց, որն ընդգրկում է աշխարհի բազմաթիվ առաջատար համալսարաններ և գիտական կենտրոններ: Համալսարանն անդամակցում է Եվրոպական համալսարանների ասոցիացիային, ներգրավված է Եվրոպական և միջազգային այլ կրթական և գիտական բազմաթիվ ծրագրերում: |
Համալսարանը բաղկացած է կենտրոնական և մասնաճյուղ-կրթահամալիրներից, ֆակուլտետներից, ամբիոններից և բաժանմունքներից: Կրթահամալիրները` ՀՊՃՀ տարածաշրջանային կառուցվածքային ստորաբաժանումները, ստեղծվել են՝ հաշվի առնելով ՀՀ տվյալ տարածաշրջանի՝ ճարտարագիտական և ճարտարագիտատնտեսագիտական որակավորմամբ մասնագետների պահանջարկը: Ֆակուլտետները` համալսարանի կառուցվածքային ուսումնական հիմնական ստորաբաժանումները, իրականացնում են ուսումնական և գիտահետազոտական գործընթացները: Ֆակուլտետների կազմում ընդգրկված են ամբիոններ, լաբորատորիաներ և ուսումնական ու գիտական այլ օղակներ: Ամբիոնները` ֆակուլտետների հիմնական ուսումնագիտական ստորաբաժանումները, իրականացնում են որոշակի մասնագիտության, մասնագիտացման մեկ կամ մի քանի դասընթացների ուսուցում և համապատասխան մեթոդական ու հետազոտական աշխատանքներ: |
Օրերս
Հայաստանի պետական ճարտարագիտական համալսարանի (Պոլիտեխնիկ) ռեկտոր Ո.
Մարուխյանի անունով նամակ է ստացվել համալսարանի գործընկեր Ռուսաստանի
Դաշնության Բաումանի անվան Մոսկվայի պետական տեխնիկական համալսարանի
(ՄՊՏՀ) ռեկտոր, ՌԴ Գիտությունների ակադեմիայի ակադեմիկոս, ԱՊՀ երկրների
Տեխնիկական համալսարանների ասոցիացիայի նախագահ Իգոր Ֆյոդորովից, որում, ի
հավելումն ՀՊՃՀ-ին և ողջ պրոֆեսորադասախոսական անձնակազմին ուղղված
ամանորյա շնորհավորանքների, պ-ն Ֆյոդորովն իր գոհունակությունն է հայտնում
ռեկտորին ընդհանուր տեխնիկական կրթությանն ու գիտությանը վերաբերող
հարցերում համալսարանի ցուցաբերած ակտիվության համար` ի նպաստ Տեխնիկական
համալսարանների ասոցիացիայի և ՄՊՏՀ-ի հետ համագործակցության բարեհաջող
զարգացման: Նամակում, մասնավորապես, նշված է. «…հույս եմ
հայտնում, որ 2010թ. համալսարանական մեր ասոցիացիան հաջողությամբ
կհաղթահարի բարձրագույն մասնագիտական կրթության բարեփոխումների ճանապարհին
կանգնած բոլոր խոչընդոտները` պահպանելով և, միաժամանակ, շարունակելով
ազգային կրթական համակարգերի լավ ավանդույթները»: |
ԵրՊԻ շրջանավարտների և բարեկամների Լոս Անջելեսի միություն, Հաղորդագրություններ
ՀԱՐՈՒԹՅՈՒՆ ՍՈՒՐՄԵՆՅԱՆ, ԱԲՐԱՀԱՄ ԲՈՅԱՋՅԱՆ, Ամերիկահայ ճարտարագետների և գիտնականների ընկերակցություն, ԵրՊԻ շրջանավարտ, ԵրՊԻ շրջանավարտների և բարեկամների Լոս Անջելեսի միությունԵրՊԻ շրջանավարտների և բարեկամների Լոս Անջելեսի միության նախագահ է ընտրվել Ամերիկահայ ճարտարագետների և գիտնականների ընկերակցության խորհրդի անդամ, ԵրՊԻ շրջանավարտ ԱԲՐԱՀԱՄ ԲՈՅԱՋՅԱՆԸ: Սույն հաղորդագրությունը ստացվել էԵրՊԻ շրջանավարտների և բարեկամների Լոս Անջելեսի միության նախկին նախագահ ՀԱՐՈՒԹՅՈՒՆ ՍՈՒՐՄԵՆՅԱՆԻՑ |